Dr. Ebdulrehman Qasimlo (1930–1989)

Dr. Ebdulrehman Qasimlo di 22'ê Kanûna Pêşîn 1930'an de li Urmiyê ji dayik bû. Her çend ji malbatek dewlemend bû, lê ji zarokatiya xwe ve bi êş û giraniya jiyana gelê Kurd hestiyar bû.

Di 15 saliya xwe de beşdarî çalakiyên siyasî bû û di sala 1945'an de di damezrandina Yekîtiya Ciwanên Demokratên Kurdistana Îranê de rol girt.

Piştî têkçûna Komara Kurdistanê ya Mihabadê, xebata xwe ya siyasî bi awayekî veşartî domand û bû endamê Hizba Demokrat a Kurdistana Îranê. Ji wê demê û pê ve, jiyana xwe hemû ji bo azadî û mafên gelê Kurd terxan kir.

(Qasimlo; siyasetmedar û zana)

Qasimlo ji bo xwendina bilind çû Fransa û paşê Çekoslovakyayê. Li Zanîngeha Pragê lîsans û doktoraya xwe di warê aborî û zanistên civakî de stand.

Di salên 1970'an de li Zanîngeha Pragê mamoste bû. Di navbera 1976–1978'an de jî li Zanîngeha Sorbonne ya Parîsê ziman û çanda Kurdî fêrî xwendekaran dikir.

Bi nivîs û gotarên xwe, pirsgirêka Kurd li Ewropayê nasand û bû yek ji dengên herî girîng ên Kurd li qada navneteweyî.

(Rêberê berxwedana Rojhilatê Kurdistanê)

Piştî Şoreşa Îranê ya 1979'an, Qasimlo vegeriya Rojhilatê Kurdistanê û rêberiya Hizba Demokrat a Kurdistana Îranê kir.

Ew bawer dikir ku pirsgirêka Kurd bi demokrasî, gotûbêj û mafên neteweyî divê were çareserkirin. Lê rejîma Komara Îslamî daxwazên Kurdan red kir û li dijî Kurdistanê şer û serkêşî dest pê kir.

Di hemû şertan de, Qasimlo li ser rêya têkoşîna siyasî û berxwedana gelê Kurd maye.

(Hewldanên aştiyê)

Dr. Qasimlo bawer dikir ku pirsgirêka Kurdistanê divê bi rêya gotûbêj û aştiyê were çareserkirin.

Di salên 1988 û 1989'an de du caran bi nûnerên Komara Îslamî re rûniştin hatin kirin.

Lê di her du caran de jî, aliyê rejîmê ne amade bû ku daxwazên Kurdan bi rastî bibe guhdar.

(Şehadeta Dr. Qasimlo)

Di 13'ê Tîrmeha 1989'an de li Viyanayê, Dr. Ebdulrehman Qasimlo ji aliyê nûnerên Komara Îslamî ve hat kuştin.

Di heman bûyerê de du hevkarên wî jî hatin şehîdkirin.

Ev bûyer yek ji girîngtirîn terorên siyasî yên li dijî rêberên Kurd tê hesibandin.

Di 37emîn salvegera şehadeta wan de rêberê Kurd Dr. Abdurrahman Qasimlo û hevalên wî bi rêzdarî bibîr tînin.

bi vê minasebetê careke din jî em Dewleta Îranê rûreş dikin

Akademîya Hêvî