KURDIM

Helbestvan: Dildar Pêşewa

Kurdim wilo ku mirin jî nikare nasnameya min biqedîne, ez di mirinê de jî bi navê xwe dijîm..

Kurdim,

ku mirin jî nikare min bi ji hebûna min veqetîne lewra nasnameya min

Bi xwînê hatiye nivîsandin,

Kurdim,

dema dengê min hat qirkirin,

ax bi xwe axivî çiya govaniya min

Kir, ferîşteha mirinê qala kuştina min

Şikefta qala têkoşina min kir, zinar û

Latan jî parastina hebûna min kir..

Kurdim ne dawiya çîroka xwe me

Ez destpêka wê me, her ku gotin

Tu tuneyî ez ji axê rabûm gotim ez

Li vir im..

Kurdim di nav birîna de bi xwe dihesim ji rabirdû ye bipirsin, ji

Dîrokê bipirsin, ji Nemrûda bipirsin

Ew dizanin di nav agir de jî ji wan

Natirsim, lewra ez ji mirinê jî mezintir im..

Kurdim ji sipartecus wêrek tir im

Ji fars tirk û ereban mezintir im

Herin ji wan bipirsin ew gelekî ji min ditirsin..

Kurdim herin ji serdema neolîtîkê bipirsin ew dizanê ez im destpêka

Hemû mirovahiyê ew dizanin ez im

Destpêka şaristaniyê, min gîyana

Xwe daye hemû cîhanê..

Kurdim herin ji keştiya Nûh bipirsin

Ew dizanê ez Kî me, herin ji Zerdeşt

Bipirsin ew dizanê ez hevparê agirê

Wî me, û bawermendê yek ezdayî ne

Kurdim herin ji Enkîdûya bipirsin ew

Dizanê em ji ya xwe venagerin

Û herin ji Dehaqa bipirsin ew dizanê

Kawa tucarî ji kesî natirsin..

Herin ji yezdan bipirsin ew dizanê

Em ji wî pêve serê xwe ji kesî re

Natewin û ew dizanê em ji mirinê

Natirsin..?